Saturday, January 21, 2012

තාත්තා.....

හෙලන හුස්මක් ගානෙම මා විඳින මේ ජීවිතයට
මට අයිතිය තහවුරු කලේ නුඹ...
අනන්ත වූ අහසට දහවල ගෙනෙන හිරු මෙන්ම
මා දිවියට ආලෝකය ගෙනාවේ නුඹ...
දහසකුත් සිතුවිලි හිතේ තිබුණිද...
ඔබේ ගුණ ගැන ගී ගොතන්නට
මා අසමත්...
මහ පොළවෙන් යම් ඉඩකට හිමිකම මටත් අයිතියි...
ඒ නුඹ මට ලබා දුන් මේ ජීවිතය නිසයි...
මේ ජීවිතය වෙනුවෙන් මා ණයගැතියි නුඹ හට..

තාත්තේ මං ආදරෙයි මගේ තාත්තට ගොඩාක්...
තාත්තට සුබ උපන් දිනයක්...!!!!
මං තාත්තගේ පොඩි දූ...

Thursday, January 19, 2012

පළමු පියවර​


ඉමක් නොපෙනෙන දිවි අහස් ගැබේ
මායිම් සොයන්නට හැකිද කා හට​...
ඒ සිසාරා පියා සලන්නට අත් තටු තිබුණද
සැම දෙනා හට​...
පියාසලන්නේ සෙවිල්ලෙන්...
අවකාශය අනන්තයි..
නමුදු අපේ ජීවිත රාමු තුළ​..
ඇතිද ලස්සනක් ඒ රාමුවෙන් පිට
දුවන විට අපගේ මේ ජීවිත​...
 
ජීවත් වෙන්න​...ජීවිතය වෙනුවෙන්...
සිතන්න මේ ජීවිතය ජීවිතය පමණක්ම නොවන වග​...
මේ ජීවිතය අපට ජීවිතය දුන් අයවලුන් ගේ
හුස්ම පොද බව සිහියේ තබා ගන්න​...
විඳිනවානම් එයයි ජීවිතය​...
පුළුන් රොදක් වැනි සැහැල්ලු ජීවිතයේ නැගී..
මාද පියා සලන්නට පියවර තබන්නෙමි..
මේ මගේ පළමු පියවර​..